الموضوع: اقوال واحكام

[username:2a2f69c20a][align=center:2a2f69c20a]
لبس البوصة تبقى عروسة.
معاك قرش تساوي قرش ، مامعكش حاجة متساويش حاجة.
لا يلدغ المؤمن من جحر مرتين.
إذا لم تستح فاصنع ما شئت.
من راقب الناس مات هماً.
نظرة إلى ميسرة (عند التعثر).
لا تكتموا الشهادة.
بفلوسك بنت السلطان عروسك.
اخد بنت عمي واتغطى بكمي.
البهيم من ودنه وبني ادم من لسانه.
اخر خدمة الغز علقة.
كله عند العرب صابون.
المنوفي لا يلوفي ولو أكلته لحم الكتوفي.
إذا اخدت من الحمار صوف تاخد من المنوفي معروف.
جوز ابنك لدمياطية ولا تجوز بنتك لدمياطي (يشتهر الدمايطية بالحرص الشديد).
يا مريحة العازف يا منصورة (طبعاً مفهومة).
ما حوالين الصعايدة فايدة.
كل شئ ييـجي من الصعيد مليح إلا رجالها والريح (نظراً لشدتهم).
وفي الاستهانة بالأشياء:
اللي يعرف ابويا يروح يقوله واللي كاتب كتابي يروح يحله.
ما بان مني زكاه عني. {دى مقولة البنات اليومين دول}
اللي راح راح يا قلبي.
ضربوا الأعور على عينه .. قال خسرانه خسرانه.
المجانين في نعيم.
خدوا الحكمة من أفواه المجانين.
اعمل ودن من طين والثانية من عجين.
علقة تفوت ولا حد يموت.
الشقي عمره بقي.
الدعوة الزور تفتح كيس القاضي.
حاميها حراميها.
ايش على بال القرد من سواد وشه.
قالوا للقردة اتبرقعي قالت دا وش واخد على الفضيحة.
يفتي على الإبرة ويبلع المدرة.
سألوا القاضي الحيطة اتوخست قال تتهد وتتبني سبع مرات قالوا دي الحيطة اللي بينا وبينك قال اقل الماء يطهرها.............
ما حد بييجي من الغرب يسر القلب.
ياما جاب الغراب لأمه.
يعني فتح عكا.
يعني جايب الديب من ديله.بعجز اغا ما فيه الا شناب.يعني بضاعة والناس عليها جواعى.
لو كان فيه الخير ما كان رماه الطير.
وهناك أمثال في حالات اللامبالاة:
اخبط راسك في الحيط.
مطرح ما تحط راسك حط رجليك.
بلهم واشرب ميتهم.
اللي يزعل يشرب من البحر.هو انا الحيطة الواطية ؟وعليّ من ده بايه.اتـفـلـق .
أعلى ما في خيلك اركبه.ادي دقني لو حصل.اقطع دراعي لو حصل.
ابقى قابلني لو حصل.سعد باشا قالها كلمة "مافيش فايدة".
غطيني وصوتي ياصفية.
أمثال في عدم التقدير:اللي تملكه الأيد تزهده النفس.زي القرع يمد لبره.سكتناله دخل بحماره.
الحيطة الواطية ينطوا عليها الكلاب.
أول ما شطح نطح.
أمثال في سوء التصرف:
من قلة عقله تعبته رجليه.رزق الهبل على المجانين.الخايب ييجي يشتريني.
ماشافوهمش وهما بيسرقوا شافوهم وهما بيتحاسبوا.
دبور زن على خراب عشه.
لو جابوا للمجنون ألف عقل على عقله مايعجبوش إلا عقله.
خالف تعرف.
زي الشريك المخالف.
ايش دخل طوخ في مليح.
اشترى وجع قلبه بايديه (إلى من يشتري سهراً بنوم).
جه للموت برجليه (اتتك بجائن رجلاه).
أصحاب العقول في راحة (استراح من لا عقل له).
كانت قاعدة ومرتاحة .. جابت لها مساحة.
اللي يقدر يحلها بايديه لن يحلها بسنانه.
ان طلع العيب من اهل العيب ما يبقاش عيب.
قالوا تعرف الهايف بايه ؟ قال : بكلامه ؟ وتعرف السقيل بايه؟ قال: بسؤاله.
من عجبك يا فتى تلبس هدوم الصيف في الشتا.
عذر أقبح من ذنب.
يغرق في شبر مية.
ودنك منين يا جحا.
زود المبلة طين (زاد الطين بلة).
اجسام البغال وعقول العصافير.قلة العقل مصيبة.خربها وقعد على تلها.لا منه ولا كفاية شره.
مش ناوي يجيبها لـبـر.يبيع المية في حارة السقايين.يدلقوا القهوة من عماهم ويقولوا خير من الله جاهم.بيقدم رجل ويأخر التانية.عين في الجنة وعين في النار.مخه بيجيب وبيودي.
كلمة تجيبه وكلمة توديه.دوبت هدومك ياهبيل من كتر الغسيل.زي الجمل اللي يحرته يبططه.
يكري على خرطة زي الملوخية.أمثال في اجتماع الحمقى :اتلم المتعوس على خايب الرجا.
أعمى يقول لأعمى صدفة سعيدة اللي اجتمعنا.
عمية تخفف مجنونة وتقول لها حواجبك سودة ومقرونة.
اتبع اليوم يوديك الخراب.
عايبة بتعلم خايبة الاتنين نايبة.
أمثال في الاهمال :
المال السايب يعلم السرقة.
المفرط أولى بالخسارة.
اللي ما يربط بهيمه ينسرق.
فاتت ابنها يعيط وراحت تسكت ابن الجيران.
فاتت عجينها في الماجور .. وراحت تضرب الطمبور .
وفي الكسـل :
زي تنابلة السلطان يقوم من الشمس للضل بعلقة.
زي الكلاب يحب الجوع والراحة.
راس الكسلان بيت الشيطان.
اكل ومرعى وقلة صنعة.
عايز سخم منتوف ومحرقة حنين.
السخرية من التكبر :
عرايا مقفقفين جابوا بعشاهم ياسمين.
من بره هللا هللا ومن جوه يعلم الله.
فقراء ويمشوا مشي الأمراء.
بدل اللحمة والبتنجان هات لك قميص يا عريان.
فقر وعنطزة.
بواب ومالوش باب.
عمايم على بهايم.حماراً يحمل أسفاراً.حسنة وأنا سيدك.شحات وعايز رغيف طري.
زي شحات الترك جعان ويقول مش لازم.
زي ديك الخماسين عريان ومزنطر.قلة وعامل قناطة.سرباتي واسمه عنبر.
قال ايش ناقصك يا عريان ؟ قال : الخاتم يا مولاي.
ميغركش الباب وتزويقه بص على نشفان ريقه.
قالوا للحمار ابوك مين ؟ قال : خالي الحصان.
القرعة تتباهى بشعر بنت اختها.
مالك بتجري ما بتدري ؟ قال : نسيب نسيبي في الساحل.
يا محلي طولك في اللي ما هولك كمان شوية يفعلوا لك.اقرع ونُزهي.غشيم ومتعافي.
زي الطبل صوت عالي وجوف خالي.منفوخ على الفارغ.
كسحة وتقول للصايغ تقل الخلخال.اخته في الخمارة وعامل أمارة.
ايش كبرك عنه وانتي بنت عمه.
بعد العركة ينتفخ المفشي.
انا وحشة واعجب نفسي واشوف الحلوين تقرف نفسي.
انا كبير وانت كبير ومين يسوق الحمير؟
الكبر قاتلنا موش بخاطرنا.
كبر النفس قطع نصيب.
?زي مرزوق يحب العلو ولو على خازوق.
في عدم الكبر :
بلدنا صغيرة ونعرف بعض.
نص البلد ما يعجبني وانا اعجب مين؟
عيشوا عيشة أهاليكم.
نشفت البركة وبانت زقازيقها.
كما يهزأ المثل الشعبي من المتكبرين فيذكر:
الطول على النخل والتخن على الجميز.
زي الطاووس يتعاجب بريشه.
زي الغراب يتعاجب بعوارة عينه.
ما تتهزيش ما في الوسط إيش.
من عجبه حسن علاه ، ومن عجبه جسمه عراه.
زي قبور الكفار من فوق جنينه ومن تحت نار.
ال*** إن بص لحاله مايهزش ودانه.
لو الجمل شاف صنمه كان اندار قطمه.
وعن الكبر والخيلاء أيضاً :
خرطة الخراط واتدقلج مات.
عامل فرخة بكشك.
عايق ومتضايق ( عايقة ومتضايقة).
عامل عنب والباقي فراطة.
عامل ليمونة في بلد قرفانة.
مايعجبوش العجب ولا الصيام في رجب.
عامل ابن بارم ديله.
عامل سبع البرومبة.
زي قنصل الوز.
عامل قمع.
عامل قعر مجلس.
قصر ديل يا أزعر ( يقولها المزهو بنفسه إذا لامه من هم دونه).
يا أرض اتهدي ما عليكِ قدي.
الاعتذاذ بالذات :
الشاب بسعده لا أبوه ولا جده.
فخر المرء بفضله أولى من فخره بأصله.
إنما أصل المرء ما قد حصل.
الشرف بالهمم العالية لا بالرحم البالية.
كما يدعو المثل الشعبي إلى الحفظ على المظاهر مهما كانت حقيقة الظروف:
املى بطنك بالتبن وبل شفايفك بالسمن.
امشي على عدوك معرش ولا تمشيش مكرش.
ويشير باحثون في مجال الأمثال الشعبية إلى أنه بمقارنة الأمثال التي تسخر من الزهو والكبر بالأمثال التي تدعو للحفاظ على المظاهر ولو بالك** نسبة 80 : 2 وبذلك فالإنسان المصري في غالبيته متواضع وإن كانت سمة الفخر والزهو من السمات العربية السائدة لكنها كما هو واضح من الأمثال غير السائدة لدى المصريين، رغم اعتزازهم بذواتهم وبكفاءاتهم في السخرية من العمل غير النافع.
كأنك يا أبو زيد ما غزيت.
كأنك يا أبو زيد لا رحت ولا جيت.
رجع قفاه يقمر عيش.
رجع يامولاي كما خلقتني.
مين داري بيك يا اللي في الظلام بتغمز.
?رجع بخفي حنين.
يادي الشيلة يادي الحطة ، رحت على جمل وجيت على قطة.
اكنتا يابدر لا رحنا ولا جينا.
اخرت الزمر طيط.
طلع من المولد بلا حمص.
بينفخ في قربة مقطوعة.
لا طال عنب الشام ولا بلح اليمن.
عمر التشفيط ما يملاش قرب.
تصوم تصوم وتفطر على بصلة.
يصوم سنة ويفطر على بصلة.
اياك على الطلق ده كله يكون المولود غلام ولا تكنش بنية وتشمت الجيران وهو يعتبر التعب في انجاب البنت عملاً غير مجد.
البقرة بتولد والطور بيحزق ليه ؟ قالوا أهو تحميل جمايل.
طاهرت أنا عمبر قام فرشح سعيد.
زي جمعية الغربان أولها كاك وآخرها كاك.
زي اللي رقص على السلالم لا اللي فوق شافوه ولا اللي تحت شافوه.
اللي نِبات فيه نصبح فيه.
حلينا القلوع ورسينا وأصبحنا على ما أمسينا.
المركب أم ريسين تغرق.
كان غيرك اشطر.
امير وعاقل لا يهش ولا ينش.
زي الخيلة الكدابة.
لا يودي خبر ولا يجيب اثر.
قاعد ينش.
بيرعى الكلاب بالنص.
لا له في الطور ولا في الطحين.
لا في العير ولا في النفير.
بنقرأ في سورة عبس.
بيدن في مالطا.
لا ينفع ولا يشفع.
لا يحل ولا يربط.
قاعد زي قرد قطع.
خايب وخايب ظله.
زي دلدول الأحزاب.
زي شرابة الخرج.
قاعد يقشر بصل.
لا شغلة ولا مشغلة.
سكتم بكتم.
فنجري بق أو كلام.
طلع على فاشوش.
قاعد زي العمل الردي.
زي خيال المآتة.
زي قلته (قلته أحسن).
وجوده زي عدمه.
كداب زفة (لا عمل حقيقياً له ).
مهياص أو صبي عالمة.
زي الدلو أو الجردل (يحملونه على العمل ولا يبادر به).
زي رجل البنطلون.
وهناك أمثال حول تغير الهدف وسوء الحظ الذي يقابل الإنسان:
تيجي تصيده يصيدك.
طمعنجي بنى له بيت فلسنجي سكن له فيه.
مزين فتح براس اقرع استفتح (لسوء الحظ).
قال يا صياد رميت الشبكة طلعت ضفدعة مطلعتش سمكة.
طلع نقبه على شونه.
جوزناها تتاخر راحت وجابته راخر.
جت تكحلها عميتها (جه يكحلها عماها).
جبتك يا عبد المعين تعيني لقيتك عايز تتعان.
اتكل على حيطة مايلة.
جبت الأقرع يونسني كشف راسه وخوفني.
اللي يتكل عليه يبيع هدومه.
اللي تحسبه موسى يطلع فرعون.
فرحنا بالنيل جه النيل غرقنا.
خيراً تعمل شراً تلقى.
في الشماتة :
وقعتم ولا حدش سمى عليكم.
تخفضت يا جمل ولا طولتش أمل.
تروح فين يا صعلوك بين الملوك.
اللي يشيل قربة مخرومة تنز على ضهره.
اللي يشيل قفة مخرومة تخر على دماغه.
ربنا يهني سعيد بسعيدة.
بقى عبرة لمن يعتبر.
الحجر الداير لابد من لطه.
مبروك الطهارة يا معاشر الأمارة.
شاقن ومعزية.
عدوتي وعملت مغسلتي.
الشماتة تبان في عين الشمتان.
اللي تعايرني بيه النهارده تقع فيه بكره.
كله سلف ودين.
ايش حدا فيما بدا ياللي كلامك ضرني ؟ منين شمت الناس ؟ ومنين صالحتني؟
يابخت من بكاني وبكى علي ، ولا ضحكني وضحك الناس علي.
حي طلب موت حي مجنون يستاهل الكي (أي لا شماتة في الموت).
ذنبه على جنبه ( فيمن لا يسمع النصيحة).
كله سلف ودين:
كله سلف ودين حتى المشي على الرجلين.
من عايب ابتلى ولو بعد حين.
كلمة الغم سلف ولو بعد حين.
لا تعايرني ولا اعايرك ، الهم طايلني وطايلك.
عامل تعامل .
من حفر حفرة لاخيه وقع فيها.
كل عين وقصادها صباع.
ذنب ناس يخلصوه ناس.
ربنا يسلط أبدان على أبدان.
داين تدان.
عملك عمالك.
على الباغي تدور الدوائر.
يمهل ولا يهمل.
الجزاء من جنس العمل.
من حكى لك حكى عليك.
حط ايدك على عينك زى ما توجعك توجع غيرك.
من قدم شئ بيداه التقاه.
حط اش تلقى اش.
من أعمالكم سلط عليكم.
تدوس على ديل القط يخربشك.
العين بالعين والسن بالسن.
طباخ السم بيدوقه.
أمثال في التدين:
ربنا ما شفناه بالعقل .. عرفناه.
ربنا كبير.
ربنا موجود.
ما يعلم الغيب إلا الله.
ربنا هو المنتقم.
سلم امرك لله تسلم.
اتكل على اللي خلق الخلق.
الخيرة فيما اختاره الله.
خد من عبد الله واتكل على الله.
اللي سترها في الأول يسترها في الاخر.
قول يارب.
النصر من عند الله.
تبات نار تصبح رماد .. لها رب يدبرها.
مــــــــــــــــــــــــــــــــــــو د ى [/align:2a2f69c20a]