السلام عليكم ورحمة الله وبركاته
التحيات وبعد ...

اكيد يا جماعة الخير نص قطاع غزة اول ما يصير الجهاز بطئ ، بيجن جنانه ، وساعيتها من دون علم بالامر بيصير يقلك هذا الوندوز اكيد بده فرمات ..!! ، وهو ما بيعرف شو يعني فرمات ، او حتى كيف يعمل فرمات ..!!
طبعا بيخلي ابنه ينتع هال BOX ، وعلى المصلح اللي على راس الشارع بيعلمه فرمتة بمبلغ وقدره .. ، موضوعنا انه ليش ما نخلي صاحب الجهاز نفسه هو اللي يعمل الفرمات ، ويصير يعمل للجيران كمان ويعلمهم ، الامر ليس صعب ، ولكن الناس هيا اللي ما بدها تتعلم ...

اليوم جايبلكم اسطوانة ، صراحة هذه الاسطوانة يمكن اكون مبالغ في الامر اذا قلت لكم اني لا استطيع ان اسير في الشارع الا وانا احملها ، اسطوانة بجد اسطورة ، يمكن 2 او 3 بس اللي بيعرفوها بغزة ، لدرجة اني مرة رحت عند صديق لي كان عائد من الخارج فسألته عنها ، فقال لي مسغربا ، كيف اسمعت عن هذه الاسطوانة .

اسم الاسطوانة ( طبعا اخر اصدار من الاسطوانة )

Hiren's BootCD

وهذه الصورة الخارجية للاسطوانة ( طبعا النسخة الاقدم )

طيب شو بتحتوي هذه الاسطوانة اللي صارلك ساعة بتحكي عنها ، وخوتتنا فيها
هذا ما تحتويه الاسطوانة ، بس ما بدي حد ينجلط لا سمح الله ( رابط من موقع الاسطوانة )


طيب كيف بدنا نحمل الاسطوانة ؟ وكيف بدنا نشغلها ؟
هذا رابط تحميل الاسطوانة ، وهي امتداد iso
يعني بعد ما تحمل الملف بتروح على النيرو ، وبترقع في اسطوانة جديدة


اللي ما بعرف يحمل من موقع الرابدشير يحكيلي علشان اقله كيف يحمل
طيب كيف بتشتغل هذه الاسطوانة ؟ وكيف بدنا نستخدم البرامج اللي في داخلها ؟
الاسطوانة تحتوي على برامج تعمل من خلال الوندوز وبرامج تعمل من خلال الدوس
يعني اما من بيئة وندوز ، او من خلال الاوتورن ( AutoRun )


وبالنسبة للبرامج اللي في داخلها ( في الموقع التابع للسطوانة اسم البرنامج واسفله نبذة بسيطة عنه ) سوف نشرحها تباعا ، وسوف نبدأ في البرنامج الذي يهمنا كثير لنكمل به السلسلة التي بدأنا بها سابقا ( طبعا كل البرامج اللي في الاسطوانة مهمين )
يلا اشوف همتكم معي ، بهذه الاسطوانة مشاكل كثيرة سوف تحل

وكالعادة ، جميع حقوق النشر والروابط والموضوع وكله على كله محفوظة لدى منتدى الصداقة نت